زوج متملك
المحتويات
بس انا بحب مراتي مش هقدر اكمل وانا شايفها طلعان عينها مع ولادي وانا هنا بخونها..
نزلت دموع مايا ووقفت وقالتله
امشي يا ياسين قوم امشي يلاا وانسي مايا خالص وانسي الكام شهر دول خالص حتي لو حصل وشوفتني صدفه اعمل نفسك مش عارفني...
قام ياسين ومسك جاكيت بدلته وقالها
انا اسف بجد انا اسف...
_ قال كلامه وسابها ومشي...ورجع ياسين من ذكرياته واتنهد بضيق وبعدين نفض كل الافكار دي من دماغه وكمل شغله هو كمان..
شروق
ايه اللي انت عامله ده يا ابني هو انا مش قولت نمشي علي الخط..
يوسف
اعملك ايه الكلام هو اللي بيقع من علي الخط..
شروق
صبرني يارب بص انت ركز في اللي بتكتبه وما تسرحش وهتلاقي نفسك ما نزلتش من علي الخط..
يوسف
ماما روحي شوفي يزن وانا هظبط الوضع..
لا والله وبعدين اخوك شاطر ومش محتاجني زيك ياللي فهمك بطئ زي ابوك..
رد عليها ياسين اللي كان واقف قريب منهم وقال
زي ابوه ده انا بټشتم وانا مش موجود اهو..
ما ردتش عليه شروق وقالت لابنها
يلا هنبدأ من الاول يا حبيبي بس نركز..
ياسين
تعالي يا شروق عايزك..
شروق
مش فاضيه الشغالين رجعو هيعملولك اللي عايزه..
انا عايز مراتي مش عايز الشغالين..
يوسف
يا ماما روحي بقي وارحميني..
ضحك ياسين وقاله
جدع يااه ذاكر لوحدك بقي..
_ واخد ياسين شروق معاه وطلعو اوضتهم وهي راحت قعدت علي السرير وهي مدايقه وهو قالها بهدوء..
ياسين
انا اسف عشان اتعصبت عليكي..
شروق بحزن
عادي..
ياسين قعد جنبيها وقالها
طيب ايه اللي مزعلك مني بقي..
ما فيش حاجه..
ياسين
لا في وبلاش تتعاملي معايا كده يا شروق ياريت..
شروق بدموع
انت ما بقتش فاضيلي يا ياسين وانا حاسه اني بقيت لوحدي في كل حاجه ومش لاقياك جنبي غير بتعمل واجبك وخلاص وكأنه هم عليك كمان..
مسك ياسين ايدها وقالها
لا أطلب الكثير فقط رؤيتك لمدة لا تتجاوز عمرا كاملا ..يعني يادوبك...
يعني ايه..
ياسين
يعني لو عليا افضل جنبك العمر كله وبرضو مش هشبع منك وما تركزيش اووي انا حافظها بالعافيه.. بس والله العظيم الشغل تقيل اوي الفتره دي ومش عارف اخد نفسي حتي..
شروق بحزن
الموضوع مش يوم ولا اتنين ده سنين يا ياسين وانا كاتمه في قلبي وساكته وبقول مسيره يشوف اني مدايقه وتحس انك بعدت عني..
خلاص مش هتتكرر وما تكتميش لو سمحتي اتكلمي معايا علي طول بلاش نعمل مسافات بينا..
شروق بهدوء
حاضر وانا كمان اسفه اني زعلتك..
ياسين قرب منها وقال
طيب ايه مش يلا بينا..
شروق بتوتر
الولاد عندهم مذاكره وخلينا قاعدين معاهم شويه..
ياسين
اللي تشوفيه ما هما كده كده هينامو العيال..
_وتاني يوم قدام اوضة الاجتماعات اللي كانو بيناقشو فيها الصفقه مع رجال الاعمال..
يوسف
في ايه يا ياسين ما تهدي شويه وكنا هنوصل لحل..
ياسين بعصبيه
انا ما حدش يتريق علي شغلي يا يوسف والواد ده والله لانزله للارض...
يوسف بضيق
طيب اهدي مش كده والله...
جات دارين ومسكت ايده وقالت
اوعدك اني هقف جنبك وهخليك تاخد الصفقه دي بس المفروض تتعامل معاه بهدوء شويه..
سحب ايده منها وقال
لو سمحتي انا مش قادر اتكلم دلوقتي..
يوسف
ولا انا ومش طايق حد برضو..
تجاهلت دارين كلام يوسف وقالت لياسين
خلاص هسيبك تهدي ونتقابل وقت تاني...
_ وسابتهم ومشيت ويوسف قلد طريقتها وقال..
يوسف
اوحدك اني حأف كنبك لحد ما تاخد السفكه ايه البت المسهوكه دي ما احبش انا البنات دي..
ياسين طلع موبيله اللي بيرن وقال
استني اشوف شروق عايزه ايه...
ورد علي شروق وقالها
اهدي طيب اهدي خلاص جاااي اهدي ياا شروق...
قفل معاها ويوسف سأله بقلق
مالها شروق في ايه..
ياسين بضيق
الاستاذ يزن ابني عور
متابعة القراءة
