زوج متملك
المحتويات
_ خېانة زوج متملك
_وقبل ما نبدأ حكايتنا اعرفكم علي بطلتنا النهارده واللي اسمها شروق وعندها 30 سنه..
وفي يوم كانت شروق قاعده بتفطر في اولادها يزن ويوسف التوأم اللي عمرهم 4 سنين ونزل ياسين من فوق وقعد يفطر معاهم بعد ما قال..
ياسين
صباح الخير يا حبيبتي..
شروق بجمود
صباح النور..
_ مسك ياسين موبيله وفضل يقلب فيه وهو بيفطر وشروق كانت شويه تبصله وشويه تبص لولادها اللي كانو ساكتين ومش بيتكلمو خالص..
هو انت واخد بالك ان الولاد بقي هدؤهم زياده شويه..
كان ياسين مركز في موبيله وهي قالتله
انا بكلمك يا ياسين..
بصلها ياسين وقال
وطي صوتك يا شروق لو سمحتي..
اتنهدت بضيق وقالت
تمام وطيت صوتي اهو ممكن تسيب الموبيل وشغلك وتركز معايا شويه..
_ما ردش عليها ياسين ورد علي يوسف صاحبه اللي رن عليه وقاله وهو بيقوم من علي الفطار..
ايوه يا يوسف لا لا انا جاي عندك اهو مش هتأخر..
_ وطلع بره البيت وهو بيكلم يوسف متجاهل تماما شرروق وكلامها اتملت عيونها دموع وابتسمت لولادها وقالت..
شروق
يلا يا حلوين عشان ما نتأخرش علي الحضانه..
يزن بحزن
بس انا بطني ۏجعاني..
يوسف
وانا كمان يا مامي..
شروق بخبث
يعني مش هنروح الحضانه اممم يبقي ناخد الحقنه عشان نخف بسرعه بقي يا دادا..
خلاص خلاص رايحين..
_ضحكت شروق وقامت حضنت الاتنين واخدتهم ووصلتهم لحد السواق والحارس اللي هيودوهم الحضانه ورجعت دخلت المطبخ وقالت للشغالين..
شروق
بقولكم ايه انتو اجازه اسبوع كده لقدام وبمرتب ما تقلقوش..
سعاد المربيه بتاعت ولادها
حتي انا يا ام يزن...
شروق
برضو ام يزن وبعدين انتي لا يا دادا انا محتجالك معايا بس انا حابه اسلي نفسي شويه اليومين دول في شغل البيت لوحدي..
تحت امرك يا هانم بعد اذنك..
_ مشيو الشغالين وشروق بدأت تنضف في المطبخ ودموعها علي وشها وقربت منها سعاد وقالت..
سعاد
هونيها علي قلبك يا بنتي بلاش الزعل ده كله صحتك كده هتبقي في النازل وولادك محتاجينلك..
ابتسمت شروق ومسحت دموعها وقالت
حاضر يا دادا...
وفي شركة ياسين كان قاعد هو ويوسف صاحبه ومعاه عزام قاعد هو والبنت اللي عينيها ما نزلتش من علي ياسين خالص وعزام قال..
يعني انتو هدفكم كله توصلو للصفقه..
ياسين
ايوه وطبعا انت هتستفاد من الشړاكه اللي هتكون بينا.
عزام
بس ده مش ساهل ومحدش من رجال الاعمال هيقبل بالوضع ده خالص..
ياسين
انت بس وافق والباقي ده بتاعي..
يوسف
انا بقول توافق يا عزام بيه وخصوصا ان النسبه من الارباح اللي حضرتك هتاخدها في الشړاكه دي اكبر من النسبه بتاعتك وانت لوحدك..
احنا موافقين وكمان هنساعدك يا ياسين بيه توصل للصفقه.
بصلها ياسين باهتمام وقال
لامؤخذه بس ما اتعرفناش بالمدام..
يوسف
دي الانسه دارين بنت عازام بيه وتعتبر رئيسة مجلس الاداره المستقبليه للشركه..
بصلها ياسين بجمود وقال
يا اهلا وسهلا يبقي كده اتفقنا وانا اوعدكم ان المصلحه هتكون للكل وبزياده وحقكم في الربح هيكون مضمون..
قرب منه يوسف وقاله
لم عينك من علي البت بدل ما اكلم شروق هااا...
ياسين بصوت واطي
لم نفسك انت بدل ما ارميك من فوق انت ما تعرفش دماغي فيها ايه..
يوسف بقلق
ربنا يستر منها دماغك السم دي..
_ رجع ياسين بيته بالليل وشروق كانت مستنيااه وقالتله..
شروق
حمد لله علي السلامه اجهزلك العشا..
ياسين
لا ماليش نفس انا بس شويه وخارج تاني..
شروق بجمود
انت لحقت تيجي عشان تمشي..
قعد ياسين جنبيها وقالها
الشغل يا شروق وانتي عارفه بقي هو البيت هادي كده ليه..
شروق
دادا سعاد مع الولاد فوق وانا مشيت الشغالين النهارده واديتهم اجازه..
ياسين
ليه كده زعلوكي في حاجه..
شروق
لا بس انا زهقاانه وقولت الاقي حاجه اعملها وخلاص ما انت رافض تخليني اخرج من البيت..
ياسين
طيب كويس اللي يريحك اعمليه
متابعة القراءة
